Төлеби ауданының 90 жылдығы және 1 қазан – Халықаралық қарттар күні мерекесіне орай шахматтан ардагер, зейнеткерлер арасында аудан біріншілігі өтті. Жарысты марапаттау салтанатына зейнеткер Андас Оразалиев және Төлеби ауданының мәдениет, тілдерді дамыту, дене шынықтыру және спорт бөлімінің маманы Мақсат Тасполатов жеңімапаздары мен жүлдегерледі марапаттады.
Жарысқа 20 шахматшы ардагер қатысып, «Шахмат ойыны — спорттың жоғары дәрежелі зияткерлік түрі. Үлкен шыдамдылықты, шығармашылық ойлауды және өзін-өзі ұстай білуді талап етеді. Басқа спорттың түрлеріне қарағанда, бұл ойында ой жүйріктігі аса қажет. Додаға түскен қариялар қарсыластарына дес бермей, жеңіс жолында барын салды. Бабы келісіп, бағын сынауға келгендердің көпшілігі 60 пен 90 жас аралығында. Спорттың осы түрін серік еткен қариялар бір-біріне дес бермей, ойынның көрігін қыздырды.Үздік ойын өрнегін көрсеткен қария қиялының ұшқыр екенін тағы бір дәлелдеді. Қарттық қайратын қайта жанып, додаға түскен ол замандастарымды көріп тағы да бір жасап қалдым дейді.Шахмат ойынына әуес кейіпкеріміз ақыл-ой мен логиканы дамыта түсетін спорт түрін жастар арасында да насихаттай жүреді.
Шахмат ойынының жілігін шағып, майын ішкен ардагерлер ойынға дайындықпен келген. Тұтастай алғанда ойындар өте қызықты өтті. Тәжірибелі ойыншылар тамаша ойын комбинацияларын қолданды.
Жарыс қорытындысы бойынша, 75 жастан жоғары ардагерлер арасында І орынды Козиев Рахымжан, ІІ орынды Қалдыбеков Батыр, ІІІ орынды Тажибеков Сүйінбек жеңіп алды. 63-75 жас аралығындағы зейнеткерлер арасында І орынды Еримбетов Әбілқасым, ІІ орынды Умирзаков Султанбай, ІІІ орынды Мусабеков Назамбай иеленді.
Жарыс жеңімапаздары мен жүлдегерлеріне Төлеби ауданының мәдениет, тілдерді дамыту, дене шынықтыру және спорт бөлімінің дайындаған медальдармен және дипломдармен табысталды.
