Төлеби ауданы, Ленгер қаласындағы спорт кешенінде Төлеби ауданының 90 жылдығына орай «Аудан әкімінің кубогы» үшін баскетболдан 2007-2008, 2008-2009 жылы туылған жасөспірім ұлдар мен қыздар арасында Төлеби ауданының ашық біріншілігі өтті. Спорттық шараны Төлеби ауданының мәдениет, тілдерді дамыту, дене шынықтыру және спорт бөлімінің ұйымдастырды.
Аталған жарысқа Шымкент қаласынан, Келес, Қазығұрт, Отырар, Сайрам, Сарыағаш, Түлкібас, Төлеби, Ленгер қаласынан команда қатысты, жалпы 200 жуық спортшылар қатысты.
Жарысты марапаттау салтанатына аудан әкімінің орынбасары Сержан Дүйсебаев және Төлеби ауданының мәдениет, тілдерді дамыту, дене шынықтыру және спорт бөлімінің басшысы Әуесбек Әсілбек және аудандық №2 балалар мен жасөспірімдер спорт мектебінің директоры Ғани Ордабаев жеңімапаздары мен жүлдегерледі марапаттады.
Айта кетсек, тартысты әрі қызықты өткен дүбірлі додада 2008-2009 жылы туылған жасөспірім қыздар арасында Төлеби ауданының ашық біріншілігінде жалпы командалық есеп бойынша Төлеби аудандық № 3 БЖСМ командасы жеңіске жетті. Ал Отырар ацданының командасы 2 орынға тұрақтады. Ленгер қаласының № 2 БЖСМ командасы болса 3 орын иеленді.
Спорттық додада 2007-2008 жылы туылған жасөспірім ұлдар арасында Төлеби ауданының ашық біріншілігінде жалпы командалық есеп қорытындысына сәйкес, Ленгер қаласының № 2 БЖСМ командасы бірінші орынды жеңіп алды. Ал Шымкент командасы болса 2 орынға тұрақтады. Үшінші орын Ленгер қаласының № 2 БЖСМ командасына бұйырды.
Жарыс жеңімапаздары мен жүлдегерлеріне Төлеби ауданының мәдениет, тілдерді дамыту, дене шынықтыру және спорт бөлімінің дайындаған кубогы, медальдармен, дипломдармен және бағалы сыйлықтар табысталды.
