Ауданымызға «ANTIKOR.LIVE» жобасы бойынша ҚР Сыбайлас жемқорлыққа қарсы іс-қимыл агенттігі жанындағы
Арнайы мониторингтің жетекшісі Әсет Әссанди бастаған топ мүшелері Әбен Мүталиев және Балтабек Түйетаев келіп, аудан әкімі Қайрат Жолдыбайұлымен тікелей эфир арқылы онлайн сұхбат жүргізді. Сонымен қатар, Шардара су қоймасында жүргізіліп жатқан күрделі жөндеу жұмыстарымен танысып, Бақытжан Серманизовтың иелігіндегі «Хамит» ауылшаруашылық өндірістік кооперативінің жұмысының барысын бақылады. Сондай-ақ, шаруалардың жылына 2-3 өнім алуға бағытталған егіншілік әдістерін қарап, заманауи тәсілдеріне қанық болды. Мониторинг топ мүшелері Шардара ауданын әлемге танытып отырған, «Шардара Армспорт» клубында болып, спортшылардың және спорт мектебінің тыныс-тіршілігімен танысты.
(с) Шардара ауданы әкімінің баспасөз қызметі
