Мамыр айының басында Мақтаарал ауданында 7 елді-мекенді су басып, тасқынның алдын алу шаралары қарқынды жүргізілген болатын. Сол уақытта Нұрлы жол ауылын топан судан аман алып қалу мақсатында, Шардара ауданынан жұмысшы топ құрылып, ауыл тұрғындары бірігіп, үлкен бөгет көтеріп, ауылға бір тамшы су кіруіне жол бермеді. Міне, бүгін Нұрлы жол ауылының тұрғындары құтты қоныстарына оралып, тасқыннан аман қалғандарына қуанып, бүкіл ауыл жиналып ас берді. Сондай-ақ, сын сағатта аянбай көмек көрсеткен Шардара ауданы әкіміне өз алғыстарын жаудырды.
(с) Шардара ауданы әкімінің баспасөз қызметі