Аудан аумағындағы заңсыз жер қойнауын пайдаланудың алдын алу фактілерін анықтау және оларға зерттеу жүргізу үшін бірлесіп жұмыс жүргіру мақсатында аудан әкімінің шешімімен құрылған жұмысшы топ бірнеше ауылдық округтің аумағынан өтетін Келес өзені маңайында рейдтік іс-шараларын жүргізді.
Заңсыз өндіру жұмыстары өзендердің су қорғау аймақтарында және ауыл шаруашылығы жерлерінде жүргізіліп жатқандықтан, құқық бұзушылардың мұндай іс-әрекеттері тек мемлекеттің материалдық мүддесіне ғана емес, жергілікті аймақтың экологиялық қауіпсіздігіне де теріс әсерін тигізуде.
Аудан әкімінің орынбасары С.Тасқұлов бастаған жұмысшы топ құрамында аудандық полиция бөлімі және аудандық төтенше жағдайлар бөлімінің мамандары, аудандық маслихаттың депутаттары, жергілікті БАҚ өкілдері және тиісті дербес бөлім мамандарымен бірге Құркелес, Жарты төбе, Қызылжар, Дербісек ауылдық округтері және Көктерек кенті аумағынан өтетін Келес өзені маңайында анықтау жұмыстарын жүргізді. Нәтижесінде, бір техника (артушы эксковатор) ешқандай құжаттарсыз жүргендігі және төрт артушы техникалар (дроглайн) Келес өзені бойында иесіз тұрғандығы анықталды. Аудандық полиция бөлімі тарапынан заң талаптары аясында тиісті шаралар қабылдау үшін тіркеуге алынды.
Алдағы уақытта бұл іс-шара бекітілген кестеге сәйкес аудан аумағында тұрақты жалғасатын болады.
(с) Сарыағаш ауданы әкімдігінің баспасөз қызметі