Шардаралық диқан, «Тұрар» шаруақожалығының иесі Ан Юрий Владимирович өзінің 45 гектар пияз алқабынан алғашқы 500 тонна өнімін сатылымға шығарды. Аудандық ауылшаруашылық бөлімінің басшысы Т.Әлімқұлов пияз алқабына арнайы барып, жұмыстың барысымен танысты. Тарқатып айтқанда, оның егістік алқабында: күздік пияз (жапондық ) «сеншуй» тұқымы 12 гектар,6 гектар «бонус» тұқымы (голландық) ,6 гектар «бабач» тұқым (түркиялық), ерте пісетін 7 гектар «бабач» тұқымы, орта және кеш пісетін 9 гектар «Манас» тұқымы (Түркия) сорты,3 гектары «Кенди» тұқымы (Түркия),1 гектары «Афелия» тұқымы және 1 гектар «Голдстар» (Оңтүстік Корея) тұқымдары өсіріледі. Сондай-ақ, шаруақожалық бригадирі өнімді егістік алқабының басынан 60-63 теңге аралығында алып жатқанын мәлімдеді. 45 гектар пияз алқабының барлығы тамшылату әдісімен суландырылады. Бұл тамшылату әдісімен 1 сағатта 1 метр жерге 1 литр 600 грамм су кетсе, ал жүйек (арықша) арқылы сағатына 90 литр су далаға кетіп ысырап болады дейді шаруа қожалық иесі Ан Юрий. Сонымен қатар, егістік маусымында аталмыш шаруа қожалық 80-ге жуық адамды жұмыспен қамтып отырады.
Сондай-ақ, кәсіпкер Ан Юрий күзге дейін пияз алқабынан 5000 тоннадан артық өнім алу күтіліп отырғанын айтты.
(с) Шардара ауданы әкімінің баспасөз қызметі
