АУДАНЫМЫЗДА «ЖҰМЫСПЕН ҚАМТУДЫҢ 2020-2021 ЖЫЛДАРҒА АРНАЛҒАН ЖОЛ КАРТАСЫ» БАҒДАРЛАМАСЫМЕН 80 АДАМ ЖҰМЫСПЕН ҚАМТЫЛҒАН

«Жұмыспен қамтудың 2020-2021 жылдарға арналған жол картасы» бағдарламасы жұмыссыздық деңгейінің өсуінің алдын алу, қосымша жұмыс орындарын құра отырып халықтың табысын арттыру мақсатында әзірленді. Аталған бағдарлама аясында Шардара ауданы бойынша 18 инфроқұрылымдық жоба бекітіліп, іске асыру жоспарланған. Оның ішінде әлеуметтік-мәдени нысандар бойынша – 16 жоба, елді мекендерді абаттандыру бойынша – 2 жоба. Қазіргі таңда «Жол картасы» бағдарламасы аясында 80 азамат жұмыспен қамтылып,оның ішінде аудандық жұмыспен қамту орталығы арқылы 46 азамат жұмыспен қамтамасыз етілді. Жұмыспен қамту жол картасын іске асыру аясында, Шардара қаласының көшелерін абаттандыру арқылы қала тұрғындарының демалыс уақытын тиімді өткізуге, спорттық шараларымен айналысуға қолайлы жағдай жасалып, қаланың сәулеттік келбеті артып келеді.
(с) Шардара ауданы әкімінің баспасөз қызметі