«12 – тамыз Халықаралық жастар күніне» орай Бәйдібек жастары «Дәстүрлі садақ ату» сайысын өткізді.
САДАҚ АТУДАН САЙЫСҚА ТҮСТІ
«Орталық саябақтағы» садақ ату орнында алғашқы рет жарыс өтіп, сайысқа ұлттық құндылықтарды дәріптеу мақсатында ауылдық округ жастарынан 13 ұл, 5 қыз сынға түсті.
Өткізілген жарыстың нәтижесінде қыздар арасында 3-орынды Жамбыл ауылдық округінен Салтанат Бексары, 2-орынды Алғабас ауылдық округінен Бибінұр Салқынбек, жүлделі 1-орынды Шаян ауыл округінен Жанар Бауыржанқызы жеңіп алды.
Сондай-ақ, ұлдар арасында өткен жарыста 3-орынды аудандық экономика және қаржы бөлімінен Дархан Шадияр, 2-орынды Шаян ауылдық округінен Алмаз Асаев, 1-орынды аудан әкімдігі Заң бөлімшесінің маманы Елнұр Бақыт иеленді.
ҮЛКЕН ТЕННИСТЕН ЖАРЫС ӨТТІ
«Жастар күніне» орай өткізілген үлкен теннис сайысына ауылдық округтің жастары қатысып, бақ сынасты.
Нәтижесінде 3-орынды Мыңбұлақ ауылдық округінен Нұркелді Амангелді, 2-орынды Ақбастау ауылдық округінен Қанжар Қалдыбек, 1-орынды Ағыбет ауылдық округінен Есенжол Нұрланұлы жеңіп алды.
«ЖАСТАР КҮНІ» — ЖАСТАР САЯБАҒЫНДА ҚОРЫТЫНДЫЛАНДЫ
«Жастар күні» мерекесіне арналған іс-шаралардың қорытындысы «Жастар саябағында» шығарылды.
Аудан әкімінің міндетін уақытша атқарушы Бақыт Тұрсынәліұлы аудан жастарымен еркін форматта кездесті.
Кездесуде ауыл округ жастарының пікірі мен жаңа бастамалары тыңдалды. Жастар тарапынан алдағы уақыттарда да аудан басшылығы мен мәслихат депутаттарының жастармен кездесуі жалғасын тапса деген ұсыныстар айтылды.
Еркін форматтағы кездесуден кейін, әрбір ауылдық округтерден келген талантты жастар қонақтарға өз өнерлерін көрсетті. Осы іс-шарада өнер көрсетіп, аянбай еңбек етіп жүрген жастарға, өнерпаздарға «Жас талант» атты естелік сыйлықтар табысталды.
Кешке келген қонақтарға ауданның жас кәсіпкерлерінің шағын өнімдері «Бәйдібек қымыз №1», «Нұржанбек көжесі», «Ақтастың алма шырыны», жас кондитерлердің тәтті торттары мен бауырсақтары, құрт ірімшіктері таныстырылды.
Сонымен қатар, ерікті жас, қоғам белсендісі Алтынай Мұсабекованың қолынан шыққан моншақтары, түрлі пішінде жасалған заттары, тоқылған сөмкелері, гүл салатын ыдыстары халық назарына ұсынылды.
Саябаққа келген қонақтар мен аудан жастарына отандық кино көрсетілді.
