Бүгінде Талдықорған қаласында өтіп жатқан 2022 жылдың 26 шілде -3 тамыз күндері аралығына жоспарланған Ауыл жасөспірімдерінің IV ойындарының үстел теннистен кезекті ойындары
«Жетісу»теннис орталығында 2022 жылдың 25 шілде- 3 тамыз күндері аралығында өткізілді.
Ауыл жасөспірімдерінің IV ойындарының үстел теннистен өткен жарыстарында Түркістан облысының құрама командасы командалық есепте жүлделі бірінші орын және қыздар командасыда жүлделі бірінші орынмен оралды.
Жарыс барысында құрама команда ойыншылары Жетісай аудандық №2 балалар мен жасөспірімдер спорт мектебінің үздік спортшылары Нәзір Рамазан ұлдар арасында өткен жекелей сында жүлделі I орынды иеленсе, Нұржанқызы Аида қыздар арасында жекелей сында жүлделі III орынды жеңіп алды.
Жетісай ауданының үстел теннистен үздік спортшылары Нәзір Рамазан мен Нұржанқызы Аиданы жеңістерімен құттықтаймыз!
Бәрі де ауылдан басталады! Ауданымыздың әрбiр спортшысы ел мақтанышы бола берсін! Жалпы Жетісай ауданының спортшыларына «Спортта бағындырар-белес көп!» демекші осы бір ерекше мақсатты алға тартқан ауданымыздың спортшылары, Талдықорған қаласы «Өркен» спорт кешенінде 2022 жылдың 28-31 шілде күндері аралығында Ауыл жасөспірімдерінің IV ойындарының еркін күрес түрінен өткен жарысына қатысып алтын алқаны қанжығаларына байлап қайтты.
Дүбірлі доданың боз кілемінде сынға түскен Жетісай аудандық №2 балалар мен жасөспірімдер спорт мектебінің спортшысы 110 кг салмақ дәрежесіндегі Пошаев Айсұлтан Павлодар облысының ширек финалында, Атырау облысының жартылай финалында Шығыс Қазақстан облысының палуандарын жеңіп, ақтық сында Жамбыл облысының спортшысынан басым түсіп Ауыл жасөспірімдерінің IV ойындарының еркін күрес түрінің алғашқы жеңімпазы атанды.
Жетісай ауданының мәдениет, тілдерді дамыту, дене шынықтыру және спорт бөлімінің атынан ауданымыздың спортшысы Пошаев Айсұлтанды жүлделі бірінші орнымен құттықтаймыз және жаттықтырушысы Ерсін Аққұлына үлкен алғыс білдіреміз!
