Қызылжар өңірінде Мемлекеттік қызметшілер арасындағы республикалық спартакиада аяқталды. Дүбірлі дода тоғызқұмалақ бәсекесімен түйінделді. Бұл сында Түркістан облысының мемлекеттік қызметшілері командалық есепте екінші орынға ие болды.
Команда құрамында Түркістан облысы әкімі аппараты баспасөз қызметінің бас маманы Ғабит Сапарбеков, Төлеби ауданы, Кемеқалған ауыл округі әкімі аппаратының бас маманы Дулат Сапарбеков және Түлкібас ауданы, Түлкібас кенті
әкімі аппаратының бас маманы Гүлнар Бердібекова шеберліктерін көрсетті. Осы бәсекеде жекелей сында екінші тақтада Ғ. Сапарбеков барлық қарсыласын жеңіп, чемпион атанды. Жалпы спартакиадада Түркістан өрендері бильярдтан — алтын, волейбол мен тоғызқұмалақтан күміс медаль еншіледі. Осылайша Түркістан өңірінің мемлекеттік қызметшілері тоғызқұмалақтан күміс жүлдеге қол жеткізді.
Сонымен қатар, Түркістан облысының мемлекеттік қызметшілері республикалық спартакиадада бильярдтан 1 орын алды
Петропавл қаласында өтіп жатқан мемлекеттік қызметшілер арасындағы республикалық Спартакиадада Түркістан облысының бильярд құрама командасы командалық есеппен жүлделі 1 орынға ие болды. Аталған спорт түрінен Ордабасы ауданы, Қажымұқан ауыл округінің әкімі Ендібай Құмар, Түркістан облысы бойынша Мемлекеттік кірістер департаментінің жетекші маманы Дастан Айтымбетов, Түркістан қаласы бойынша Мемлекеттік кірістер басқармасының басшысы Ермахан Атемов және Мемлекеттік сатып алу басқармасының басшысы Дастан Альтеев жарыс жүлделерімен марапатталды.
Айта кетерлігі, Түркістан облысының волейбол құрама командасы 16 шілде күні өтетін ақтық ойынға жолдама алды.
Түркістан облысы әкімінің баспасөз қызметі
