Жетісай ауданында шағын кәсіпкерлік саласы тұрақты дамуда. Алдыңғы жылмен салыстырғанда шағын орта бизнес субъектілерінің саны 14 938-ге жетіп, 97% болған.Жұмысшылар саны 21 245 адамға жетіп, өндірілген өнім көлемі 6177,3 млн.теңгеге артқан. Ал, салықтық төлемдері 70 млн тенгені құрап отыр.
Жетісай ауданында шағын және орта кәсіпкерлікті дамыту жұмыстары жүйелі жүргізіліп келеді. Кәсіпкерлікті дамыту бойынша 505 мың теңгенің грантын жеңіп алған кір сабын шығаратын » Эльмира» шағын кәсіпкерлік цехының жұмысы қарқын алған. Бұл цех күніне 5000 мың дана, яғни, 1 тоннаға жуық кір сабын шығаруға қауқарлы. Цех басшысы Эльмира Жалтееваның айтуынша: алдағы уақытта цех көлемін ұлғайтып, өзгеде кір жуу ұнтақтарын шығару жоспарда бар, дейді.
Эльмира Жалтеева – «Эльмира» шағын кәсіпкерлік цехының директоры
2019 жылы мемлекеттік қаржы институттары арқылы ауданға ауыл шаруашылық техникаларын сатып алуға, көктемгі егін жұмыстарына, мал шаруашылығына және шағын кәсіпкерлікті дамыту үшін392 нысанға жалпы соммасы 1787,3 млн. теңге көлемінде несие таратылды. Ал, биылғы жылы мемлекеттік бағдарламалар аясында қаржы ұйымдары 223 жобаға 435,3 млн. теңге несие берген.
Айта кетерлігі, Жетісай ауданы бойынша 2017-2019 жылдары оқу курстарын аяқтаған 1051 азаматтардың ішінен 782 бағдарлама қатысушысына жалпы соммасы 391,6 млн. теңгеге мемлекеттік гранттар берілген.
М. Жорабай
