Мақтарал ауданында құрлыс жұмыстары қызып тұр. Тасқын су кезінде баспанасынан айырылған отбасыларға арналып 383 тұрғын үйдің құрылысы басталды. Төтенше жағдайдың зардаптарын тездетіп жою мемлекет назарында. Тақырыпты тілші тарқатады.
Өргебас пен Фердоуси ауылдарда қазір тасқынның құрсауында қалып, судан жермен жексен болған үйлерді бұзу жұмыстары жүріп жатыр.Сонымен бірге инженерлік, әлеуметтік инфрақұрылымдар мен көлік жолдары ретке келтірілуде.Су шайып кеткен аймақтарға жаңадан 24 шақырым электр желісі, 17 шақырым су жүйесі тартылуы керек. Және 15 шақырым ішкі жолдар салынуы тиіс. Оған 1,6 миллиард қаржы жұмсалғалы отыр.Сараптама жасаушы мекемелер 5 елді мекендегі мыңға жуық тұрғын үйдің қазіргі ахуалын жіті тексеріп шықты. Оның барлығы дерлік жөндеуге келмейді. Фердоуси және Өргебас елді мекені тұрғындары баспана құрылыс үшін берілетін 17 миллион теңгені алып, үйлерін өздері салып алатын болып келісті. Ал «Жеңіс», «Жаңа тұрыс», «Достық» ауылдары аудан орталығындағы еңсе тіктеп жатқан шағын ауданға қоныс аудармақ. Жаңадан салынатын баспаналардың 235-і м қазына қаржысына, қалған 288-і демеушілер есебінен тұрғызылғалы отыр.
Сәкен Сұлтанханов — Мақтарал ауданы әкімінің орынбасары
Жатахналарда тұратын отбасылар бар, мектеп, балабақшаларда тұрып жатқан Жеңіс ауылында 13, Өргебаста-10, Фердоусиде-2 отбасы бар. Ол мәселені демеушілер есебінен шешуді қарастырып жатырмыз.
Тасқын судан зардап шеккен отбасыларға үкіметтік қордан бөлінген өтемақыны алу үшін банк карточкалары беріле бастады. Комиссияның шешімімен 6 мың 128 отбасы осы карточкалар арқылы 100 мың теңгеден қаржы алатын болады. Сондай-ақ Өзбекстан жағынан төленетін өтемақыны алу үшін де қажетті құжаттар жинақталып, әр отбасыға жеке есепшот ашылды.
Нұрлан Тұрашев — Мақтарал ауданы әкімдігі экономика бөлімінің басшысы
Әлішер Усмианов ресейлік миллиардерден мың долллардан берілуі тиіс еді. Жалпы 5 мың 22 үйге 5 мың 22 карточка әзірленуі керек. Бүгінгі таңға 4 мың 87-і берілуде.
К. Дүйсенбі (shymkenttv.kz)
