Кентау қаласы Қаратау қорығы жанындағы Хантағы туристік нысанында туризмді дамытуға бағытталған инвестициялық жобалар жүзеге асырылмақ. Бұл бастама Түркістан облысының әкімі Өмірзақ Шөкеевтің тапсырмасына сәйкес бастау алғалы отыр. Бүгінде жаңа жобалар дайындалып, әлеуеті инвесторларға ұсынылуда.
Жалпы ауданы 230 гектар жер телімі анықталып, оның 50 га жер телімінде туристік инвестициялық жобаларды іске асыру жоспарланып отыр. Бұл Кентау қаласының инвестициялық мүмкіндіктерін арттырады. Сондай-ақ, туристер мен келуші қонақтардың санын көбейтуге және жаңа туристік бағыттарының дамуына тың серпіліс бермек. Жалпы, Қаратау қорығының аумағы 34 мың гектар. Онда Қазақстан қызыл кітабына енген өсімдіктер мен жан-жануарлар мекен етеді. Кентау қаласы әкімдігі биыл Хантағы туристік аумағына апарар 8 км жолды реттеп, вело-жолақ салып, жарықтандырмақ.
Перизат Ортай
