Жаз шығып, шөп қурамай жатып Түркістан облысының аумағында орман дала өрттері жиі орын алуда. Төтенше жағдайлар департаменті берген ақпаратқа сүйенсек осы мамыр айының өзінде орман шаруашылығы жерлерінде 14 өрт оқиғасы тіркелген. Бұл өткен жылдың тиісті кезеңімен салыстырғанда 9 оқиғаға артық. Тілсіз жаудың жиі тұтануын мамандар жауын-шашынның көп болып, шөптің қалың шығуымен байланыстыруда. Сондықтан төтеншеліктер биыл 17339 шақырым минералды жолақ жыртуды міндеттеуде.
Минералды жолақтарды жырту жұмысын департамент 6 бөлікке бөлген. Оның әрқайсысын, әр мекеме өзі атқарады. Мәселен, 676 шақырым жолақты республикалық жолға жауапты мекемелер атқарса, 1317 шақырымды облыстық ал, 3104 шақырым жерді аудандық маңызы бар жолға жауаптылар айдайды. Қалған жерлер орман шарушылықтарымен жері иелеріне тиесілі. Департамент берген статистикаға сүйенсек, бүгінгі күнге дейін жұмыстың 70 пайыздан астамы орындалған. Ол үшін 150-дей техника жұмылдырылған.
Асанғали Төлепбергенов – облыстық ТЖД басқарма бастығының орынбасары
мынау республикалықм маңызы бар жолдар 676 шақырым толығымен ені 7 метрлік минералды жолдар жыртылып бітті. Мынау қазіргі таңда қатты жел тұруына және ауа райының күрт ысуына байланысты қауіп күшейіп отыр.
Қауіптің күшеюіне байланысты төтеншеліктер полиция өкілдерімен бірге түрлі рейдттер ұйымдастыруда. Ол жұмыстар кезінде азаматтарға табиғат аясына шығып демалғанда от жағудың қауіпті екені ескертілуде. Бұл бағыттағы жұмытар алдағы уақытта да өз жалғасын таппақ. Ал, минералды жолақтарды жырту жұмыстары осы аптта аяқталады.
М. Жарылқасын
