Түркістанда «Әбу Насыр Әл-Фараби» туралы тарихи телехикая түсіріліп жатыр. Биыл ғұлама ғалымның 1150 жылдығы —Юнеско көлемінде тойланатыны белгілі. Осыған орай «Сақ» киностудиясы екінші Аристотель атанған ойшыл-ғалымның ғибратты ғұмырын 10 сериямен көрермен назарына ұсынбақ.
Бұл –Қожа Ахмет Йассауи кесенесі жанынан биыл бой көтерген этноауыл. Осыдан 2 ай бұрын түркістандықтар наурыз мерекесін осында дүркіретіп тойламақ болған. Елдегі төтенше жағдайға байданысты кейінге шегерілді. Есесіне осы дүниенің бәрі «Әл-Фараби» фильмінің дайын декорациясына айналды.Телехикаяның режиссері — Батырхан Дәуренбеков. «Қазақ елі», «Толағай», «Қажымұқан», «Қошқар мен теке» сынды 50 шақты анимациялық фильмнің авторы. Режиссер бүгінде «Әлемнің екінші ұстазының» өмір жолындағы тың деректерін жинап, телекхикая арқылы ғалымның тарихта айтылмай қалған ерекше қырларын ашпақ.
БАТЫРХАН ДӘУРЕНБЕКОВ- ҚР МӘДЕНИЕТ ҚАЙРАТКЕРІ, РЕЖИССЕР
Біз Отырарда туған дейміз. Негізі Әл-Фараби Отырарға жақын маңда Сырдарияның бойындағы Оқсыз деген қалада туған. Оның әкесі Тархан Озлахтың баласы әскери басшы болған. Ол тарихта бар. Біз соны көрсеттік. Және де Әл-Фарабидің тек қана біліммен емес, мерген болғанын көрсетіп жатырмыз. Және де Отырардың әміршісін өркениетке Әл-Фараби арқылы қалай көтергенін көрсетіп жатырмыз.
Отырардан 30- ға жуық «әл- Фарабилер» шыққан дейді. Бұл сөздің өзі-«Фарабтан шыққан» дегенді білдіреді. Яғни бұл туындының басты кейіпкері «ғылым, білім, өнердің шырақшысы» болған ортағасырлық ойшылдардың жиынтық бейнесі болғалы тұр. Фарабта туған, Дамаскіде өлген. Самарқан мен Бұхарада ізі қалған. Алайда аталған қалаларға жоспарланған түсірілім пандемияның кесірінен болмай қалды. Дамакстегі көріністер 3 Д графика көмегімен жасалмақ. Қалғаны Отырар мен Түркістандағы тарихи нысандардың маңайында түсіріледі.
Ортағасырлық картинаға керекті реквизиттер өте сәтті таңдалған. Базардағы бұйымдар, жеміс- жидек, ұстахана, сауда керуендеріне керекті хайуанаттар да арнайы алдырылыпты. Ал, Әбу Насыр Әл- Фарабидің жігіттік шағын жас актер Бекзат Жүнісов сомдайды.
БЕКЗАТ ЖҮНІСОВ-АКТЕР
Мені инстаграмнан тауып алды. Шымкентке шақырды. Видеопроба жасады. Түр келбетім келіп тұрды. Солай өттік.
10 сериялы тарихи телехикая. Әр көрінісі жас ұрпақтың жадына ерекше ой салады. Туынды көркемге қазан-қараша айларында «Қазақстан» ұлттық телеарнасынан көрсетілмек.
М.ӘСЕМБЕК
