Шардара қаласының әкімі Бекет Ережеп аудандық перзентханада болып, аналармен кездесті. Мереке қарсаңында өмірге сәби әкелген бір қатар аналарды құттықтап,сыйлықтар берді. Нәрестелерге туу туралы куәлігін табыстады. Бұл бастамаға қала әкімдігімен азаматтардың хал актілерін жазу мекемесі мұрындық болды.
Бекет Ережеп–Шардара қаласының әкімі
Елімізде ана мен баланың орны ерекше.Алғашқы сәбиін бауырына басқан Перизат Үмбетқұл перзентхана ұжымына алғысын айтады. Білікті дәрігерлердің арқасында өмірге қуыршақтай қыз әкеліп, құшағыма алдым. Үш келі сегіз жүз грамм болып туылған сәбиімнің қазіргі таңда денсаулығы жақсы. Оған қоса қала әкімінің ыстық лебізін есту қызымыз екеумізге үлкен қуаныш дейді, — ол.
Перизат Үмбетқұл – Шардара қаласының тұрғыны
М. Жорабай
