Түркістан облысы, Түркістан қаласында мүгедектігі бар азаматтарды қоғамдық көлікпен тасымалдау мәселелері талқыланып, тиісті ұсыныстар айтылды. Бұл талқылауға Түркістан облысы әкімінің мүмкіндігі шектеулі азаматтардың мәселелері бойынша штаттан тыс кеңесшісі Ерлан Абдиев пен Түркістан қаласы әкімінің осы саладағы штаттан тыс кеңесшісі Мұхамметәлі Тасқынбаев және қалалық бөлім басшылары қатысты.
Кездесу барысында инватакси қызметі автокөліктерінің арбадағы азаматтарды тасымалдауға қолданылатын құрылғылары заман талабына сай емес екені сөз болды. Кеңесшілер автокөліктердің бір бөлігін гидролифтпен жабдықтау және желдеткіш орнату керектігін айтты. Сонымен қатар, тазалығын реттеу жөнінде ұсыныстарын жеткізді. Жалпы Түркістан қаласындағы қоғамдық көліктердің қолжетімділігі де сарапталды. Бұл мәселеде алға басушылық бар деген сөз. Түркістан қаласында 2 ірі мердігерің бірінде автобустарының 100%-ы, яғни 30 дана автобус мүгедектігі бар азаматтарға бейімделген. Дегенмен бірақ екінші мердігер ұсынған автобустардың панудстары талапқа сай емес болпы шықты. Автопрак иелеріне осы кемшіліктерді жою және мүмкіндігі шектеулі азаматтарды тасымалдау саласындағы қиындықтардың алдын алу мақсатында 6 ай сайын қоғамдық бірлестіктер арқылы тренинг өткізу ұсынылды.
Алдағы уақытта Түркістан қаласына әкелінетін жаңа автобустардың бәрі түгелдей қатаң қадағалаудан өткізілмек. Олар мүмкіндігі шектеулі жандарға да ыңғайлы болады.
Түркістан облысы әкімінің баспасөз қызметі
