Кентаудағы трансформатор зауыты Қазақстандық брендке айналып үлгерді. Қазір бұл кәсіпорынның өнімдері әлемнің 14 елінде сұранысқа ие. Әлемді шарпыған вирусқа байланысты болған жағдайлар бұл кәсіпорынды айналып өтпеді.Дегенмен зауыт басшылығы жұмыс орындарын қысқартқан жоқ. Оның орнына жаңа инновациялық әдістерді өндіріске енгізді.
Кентау трансформатор зауыты кеншілер қаласындағы қала құраушы кәсіпорын болып табылады. Мұнда қазір 1752 жергілікті тұрғын еңбек етуде. Бұл кәсіпорын өндірген өнімнің 40 пайызы экспортқа шығарылуда.
Латвия, Эстония, Моңғолия секілді 14 елге экспортқа шығарып жатырмыз.
2019 жылы сапаны арттыру мақсатында инновацияларды қолға алды. Ол үшін үкімет қаржылай көмек берді. Нәтижесінде жаңа өңдеуші құралдарға қол жеткізді.
ХАЙРУЛЛА ҚОЖАБАЕВ- КЕНТАУ ТРАНСФОРМАТОР ЗАУЫТЫНЫҢ БАСҚАРМА ТӨРАҒАСЫ
2019 жылғы жаңалығымыз 2 робот қойып жатырмыз. Ол сварка жасайды. Швейцариядан алдық.
Бұл зауыт жыл санап дамып келеді. Басында 2 цехта 700 адам еңбек еткен болса , бүгінде жұмысшылар саны 2,5 есеге артты. Карантин кезінде жұмысшыларды да олардың еңбекақысын да қысқартқан жоқ. Зауыт жұмысшылардың жағдайын жасау үшін көпқабатты үйлер салуды қолға алды.Соңғы екі жылда 480 пәтерлі бірнеше үй жұмысшыларға берілді.
МАРАТ АМАНЖОЛОВ- — КЕНТАУ ТРАНСФОРМАТОР ЗАУЫТЫНЫҢ ЖҰМЫСШЫСЫ
15 жылдың ішінде біздің зауыт жылдан жылға көркейіп келеді. Жаңа цехтар қосылып келеді. Осы зауыттың арқасында беспроцентный ипотечный квартира алдық .Айлығымыз жақсы.
Өткен жылы кәсіпорын 28 млрд теңгенің өнімін өндірді. Ендігі мақсат шығаратын өнімнің көлемін арттыру. Айта кетейік бұл зауыт Кентаудағы өндірістен түсетін салықтың 80 пайызын беріп отыр. Сондықтан кеншілер қаласы үшін бұл кәсіпорынның алар орны ерекше .
Н.Кенжехан
