Бүгін дүниежүзілік қоршаған ортаны қорғау күні! Осыған орай облыс орталығында қала көшелерін тазарту мақсатында сенбілік өтті. Шараны облыстық табиғи ресурстар және табиғат пайдалануды реттеу басқармасы және «Жасыл аймақ» мекемесі мен облыстық Экология департаментінің қызметкерлері бірлесіп ұйымдастырды.
Түркістан қаласының аумағын «Жасыл белдеу» құру мақсатында биыл 1 235 гектар жерге 1 387 мың көшет егілді. Облыс бойынша көктемде 1247 гектар жерге мәдени орман алқабы құрылды. Ал, облыс орталығын қажетті көшеттермен қамтамасыз ету үшін «Жасыл аймақ» мекемесінде 300 га жерде орман питомнигі орналастырылды.
Қайрат Абдуалиев — облыстық табиғи ресурстар және табиғат пайдалануды реттеу басқармасының басшысы
Жалпы жоспар 3 жылдың көлемінде. 7700 гектар егілу қажет болатын. Осыған байланысты қаланың туризмінін дамыту мақсаты бойынша 9 мың гектар жуық алқап, егілу жоспарлануда 3 жылдың көлемінде. Биылғы жылы көктем айында 1200 көктем егілсе, былтырғы жылы 2300 егілді. Биыл жыл соңына дейін тағы қосымша тиісті 3 мың гектарға жуық ағаш еге отырып, келесі жылы күз маусымында нақты толығымен егіледі.
Әділжан Абдулдаев — «Жасыл аймақ» КММ учаске бастығы
Жаңа аэропорттың жері 11 км 200 метр ұзындығы. Екі шетінде 4 кулисадан 16 қатар ағаш егілген. Ағаштың түрлері можевник, ясин, қарағаш, терек. 100 метрден алынып отыр. қазір осыларды күтіп баптау жұмыстары жүргізіліп жатыр. Екі рет сауарамыз. Шығымы жаман емес жақсы. Әлі істелінетін жұмыстар көп.
Тұқымбақта онда жалпы 4 млн-нан астам көшет өсірілмек. Бүгінгі таңда оның 160 гектары игеріліпті. Енді алдағы 2 жылда тиісті көшеттер өзге аймақтардан сатып алынбайды. Өйткені арнайы тұқымбақ бар. Ал, Жасыл Аймақта жалпы 450-ге жуық қызметкер бар. Мұндағы ағаштарды егіп, суаруға, ұңғымалар орнатып қоршауға қазынадан 3 трлн-нан астам қаржы бөлінген.
Хамит Жорабаев — облыстық табиғи ресурстар және табиғат пайдалануды реттеу басқармасы басқармасының бөлім басшысы
Қазіргі таңда Түркістан қаласының экожүйесін жақсарту мақсатында жасыл аймақ, жасыл белдеу жұмыстары атқарылды. Қазіргі таңда 2300 гектар жерге жасыл белдеу отырғызу жоспарланып, іске асырылуда. Баршаңызды қоршаған ортаны қорғау күнімен құттықтаймын.
Биыл орман қоры жерлерінде 11 500 га жерге мәдени орман екпелерін егу жұмыстары жүргізілмек. Бүгінде басқармаға қарасты мекемелердің тұқымбақтарында 7,1 млн-ға жуық әр түрлі ағаш көшетері өсірілуде. Айта кетейік, өңірдегі елді мекендерге жасыл желектерді отырғызу мақсатында биыл 1031 гектар жерге 471 мың көшет егу жоспарланған. Бүгінде 778 га жерге 404 мың дана тал егілген.
М.ӘСЕМБЕК (shymkenttv)
