Облыс басшысы Өмірзақ Шөкеев Төлеби ауданындағы құрылыс қарқынымен танысты. Естеріңізге сала кетейік, өңірде 38 баспана комиссия шешіміне сәйкес, жарамсыз деп танылған. 4 обьектіге бөлінген құрылыс жұмыстары 18 мамыр күні басталып, 1 шілде күні баспаналар тұрғындардың игілігіне берілуі тиіс.
Осыдан екі апта бұрын Өмірзақ Естайұлы селден зардап шеккен елді мекеннің тұрғындарымен жүздесіп, қалыпқа келтіріп беретіндігіне уәде берген болатын. Құрылыс жұмыстары Мақтаарал ауданының тәжірибиесіне сүйене отырып, газоблокпен баспана қабырғалары бой көтеруде. Шілде айында үйлер халық игілігіне беріледі деп жоспарланған. Әбігерге түскен дүйім жұрт басшылыққа өз алғыстарын жеткізуде.
