Орман және дала өрттерін сөндіру бойынша тактикалық оқу-жаттығу жиыны өткізілді
Түркістан облысында «Сайрам-Өгем МҰТП» РММ-нің ұйымдастыруымен, Түркістан облысы орман шаруашылығы коммуналдық мемлекеттік мекемелері мен табиғат қорғау мекемелерінің орман және дала өрттерін сөндіру бойынша өзара іс-қимылы жөніндегі тактикалық оқу-жаттығу жиыны өткізілді. Сценарий бойынша қураған ағаштар мен бұталарға от қойылды. Тактикалық жаттығу табиғи апатты жою алгоритміне сәйкес жүргізілді. Шара барысында құзырлы органдардың жеделдігі және үйлесімді іс-әрекеттері сынға түсті. Аталған жиынға Түркістан облыстық орман шаруашылығы және жануарлар дүниесі аумақтық инспекциясының, Түркістан облысының төтенше жағдайдар департаментінің және Түркістан облысының табиғи ресурстар және табиғат пайдалануды реттеу басқармасына бағынысты орман иеленуші мекемелерінің мамандары қатыстырылды. Тактикалық оқу-жаттығу барысында орман және дала өрттерін сөндіру бойынша көптеген жаттығулар жүргізілді. ліміздегі жалпы орман қорының 11,4 пайызы Түркістан өңіріне тиесілі. Облыста 3,5 млн. гектарға жуық орман қоры алқабы бар. Дала өртін болдырмау мақсатында жол бойларында өртке қарсы минералды жолақ жырту жұмыстары жүргізіліп жатыр. Бұл жерде бүткіл Республикалық маңызы бар және жергілікті маңызы бар жол бойларында минералды жолақ жүргізілуге тапсырма берілген. Орманды өрттен қорғайтын мамандардың айтуынша қызыл жалынның басым бөлігі адами фактордың әсерінен орын алатын көрінеді. Сондықтан мамандар тұрғындарды табиғат аясында жүргенде сақ болуға шақырады.
