ҚР Бас мемлекеттік санитариялық дәрігерінің 2021 жылдың 15 қарашадағы №49 «Қазақстан Республикасында халыққа COVID-19 коронавирустық инфекциясына қарсы ревакцинациялау жүргізу туралы» қаулысына сәйкес, елімізде 22 қарашадан бастап халықты коронавирустық инфекциясына қарсы ревакцинациялау басталды.
Қаулыға сәйкес, екпені қайта егуге ең алдымен медицина, полиция қызметкерлері мен мұғалімдер және жастары 60-тан асқан азаматтарға салынады. Түркістан облысында қазіргі таңда 47 дәрігер отандық «Каз Вак» екпесін салдырған. Коронавирус инфекциясымен күресте алдыңғы шепте жүрген ақ халаттылар үшін COVID-19 инфекциясынан қорғану маңызды болып саналды.
Айтып өтейік, ревакцинация 1 ғана дозамен жүргізіледі. Сонымен қатар, алдын «Хаят Вак», «Каз вак», «Корона вак», «Синофарм» вакциналарын салдырғандар араға 6 ай уақыт өткенде және «Спутник V» вакцинасын салдырғандар арада 9 ай уақыт өткен соң вакцинаның кез-келген басқа түрімен ревакцинациялануға болады.
Түркістан облысының СЭБД баспасөз қызметі
