Бүгін сенаторлар 7 жастан 18 жасқа дейінгі балаларды мүгедектік топтары бойынша бөлетін Заң қабылдады. Сәйкесінше, олар алатын жәрдемақы да өседі. Бұл туралы ҚР Параменті Сенатының баспасөз қызметі мәлімдеді.
Қазіргі уақытқа дейін барлық мүмкіндігі шектеулі балалар 48 023 теңге алатын. Енді I және ІІ топтағы 7 жастан 18 жасқа дейінгі мүгедек балалар тиісінше 64 860 теңге және 54 541 теңге алатын болады.
Осы және басқа да жаңалықтарды енгізу ерекше қолдауды қажет ететін Қазақстан азаматтарының әлеуметтік қорғалуын күшейтеді, дейді сенаторлар.
Тұрғын үй қатынастары саласына да өзгерістер енгізілді.
Енді мүгедек бала тәрбиелеп отырған отбасылар үшін және олар 18 жасқа толғаннан кейін тұрғын үй алуға кезектілік сақталатын болады.
