Қазақстан Республикасы Тәуелсіздігінің 30 жылдығына орай Самбо күресінен өткен ел біріншілігі қорытындыланды. 2005-2006 жылдары туылған жасөспірім ұлдар мен қыздар арасындағы белдесуде түркістандық балуандар оза шапты. Жалпы командалық есепте Түркістан облысының спортшылары I орынды иеленді.
Самбошылар 7 алтын, 7 қола медальға қол жеткізді. Атап айтқанда, Шолпан Алтынбек 41, Сымбат Тағай 44, Еркебұлан Ахатов 53, Ақбота Қыдырәлі 65, Ерасыл Тасболат 71, Ұлбосын Әділова +72, Алмас Темірбай 88 келіде чемпион атанды. Ал, Жансая Сайлау 47, Гүлназ Өмірбек 50, Нұрсаят Абдуақас 53, Салтанат Ахметова 59, Вера Печайкина 65, Адина Абакова 72, Аяулым Төлеген +72 келі салмақта чемпионаттың қола жүлдегерлері қатарынан көрінді.
Балуандар Ә.Нұрмаханов атындағы облыстық ОРМБЖСМ олимпиада резервін дайындайтын мамандандырылған балалар мен жасөспірімдер спорт мектебінің спортшылары. Жаттықтырушылары — Нұрбек Қалыбаев, Данияр Мадияр, Қанат Арғынбаев. Ал, қыздардың жаттықтырушысы — Мөлдір Бисенбаева.
«Түркістан облысы бойынша жауынгерлік өнер қауымдастығы» заңды тұлғалар бірлестігінің баспасөз қызметі.
