Бүгін Шымкенттегі Қажымұқан Мұңайтпасов атындағы орталық стадионында үш айға созылған «Шымкент жастар лигасы» атты
спорттық сайысының бірінші кезеңі аяқталды.
Спорттық шараға арнайы келген Шымкент қаласының әкімі Мұрат Әйтенов футболдан №58 жалпы орта білім беретін мектебі мен А. Назарбеков атындағы №87 жалпы орта білім беретін мектебінің арасында өткен шешуші ойынды тамашалады.
Финалда тартысты ойын көрсеткен №87 жалпы орта білім беретін мектебінің командасы 1:0 есебімен жеңіске жетті. Жеңімпаз команданы қала әкімінің өзі құттықтап, 20 миллион теңгенің сертификатын табыстады.
Ал екінші орын №58 жалпы орта білім беретін мектебінің еншісінде. Үздік үштікті №3 Ұлықбек атындағы жалпы орта мектебі қорытындылады.
