Тәуелсіздіктің 30 жылдығына тарту ретінде және «Nur Otan» партиясының «Өзгерістер жолы: әр азаматқа лайықты өмір» атты сайлауалды бағдарламасы аясында Бәйдібек ауданының әкімі, «Nur Otan» партиясының аудандық филиалы төрағасы Ержігіт Шәріпбеков Алмалы мен Алғабас елді мекендеріндегі ауыз су нысанын іске қосып, ел игілігіне пайдалануға берді.
Елді мекенге ауыз судың берілгеніне қуанған екі ауыл түрғындары атынан еңбек ардагерлері алғыстарын білдірді.
Көп жылдардан бері құдықтан су ішіп келген қос ауылдың 200-ден аса отбасы енді таза, табиғи ауыз суды пайдаланатын болады.
Айта кетерлік жайт бұған дейін аудандағы 52 елді мекеннің 41-не орталықтандырылған ауыз су құбырлары жүргізілген. Бүгінгі жаңадан пайдалануға берілген Алмалы мен Алғабасты қосқанда 43 елді мекен таза ауыз суды тұтынып отыр. Бұл аудан тұрғындарының 82,7 пайызын құрайды.
Аудан әкімінің баспасөз қызметі
