Шымкент қаласы әкімінің орынбасары Мақсұт Исахов Facebook әлеуметтік желісінде Дана Дидай әлем чемпионатының күміс жүлдегері атанғанын хабарлаған.
«Польшаның Кельце қаласында өтіп жатқан жастар арасындағы әлем біріншілігінде 75 келіге дейінгі салмақта ел намысын қорғаған Дана Дидай финалда үндістандық Санамача Токчоммен шеберлік байқасты. Міне осылайша, бокстан Қазақстан бойжеткендер командасы әлем біріншілігін 2 күміс және 3 қола жүлдемен аяқтады. Жеңімпаздарымызды шын жүректен құттықтап, еліміздің спорт саласында аянбай еңбек етіп, елдің намысын қорғап жүргені үшін алғысымды білдіремін», — деді Мақсұт Пернебайұлы.
Осы орайда, қала әкімінің орынбасары спортшы мен бапкерлер қауымын арнайы қабылдап, оларға ый-құрмет көрсетіп, алдағы жарыстарына сәттілік тіледі.
Айта кетейік, Дана Дидай – Шымкент қалалық №5 кәсіпқой бокс түрлері клубының шәкірті.
Шымкент қаласының Ақпарттық-коммуникациялық орталығы
