Балаларға қатысты зорлық-зомбылыққа қарсы іс-қимыл саласындағы мемлекеттік саясатты іске асыру шеңберінде ҚР Бас прокуратурасының жанындағы Құқық қорғау органдары академиясының докторанттары 2020 жылғы желтоқсанда stoppedofil.kz ақпараттық сайтты іске қосты.
Сайт жыныстық зорлық-зомбылықтың құрбаны болған ата-аналар мен балаларға ақпараттық көмек көрсетуге бағытталған. Сонымен қатар, қылмыстарды жасауға жол бермеу бойынша профилактикалық есеп жүргізуге көмектеседі.
Сайт авторлары полиция қызметкерлері Арман Завотпаев пен Әлия Әбішева, қазіргі уақытта ҚР Бас прокуратурасы жанындағы Құқық қорғау органдары Академиясының докторанттары.
Айта кету керек, бұл кәмелетке толмағандардың жыныстық тұтастығын қорғауға бағытталған жалғыз жоба емес. Осы жылдың ақпан айында «Еуразия» бірінші арнасында Ішкі істер министрлігімен бірлескен арнайы жоба бастау алды. Бұл -қауіпсіз жүріс-тұрыс сабақтары.
Еліміздің мектептерінде психологтар мен полицейлер балаларды қорғануға үйретеді. Нұр-сұлтан, Қарағанды, Ақтөбе және Петропавл қалаларында бес шеберлік сағаттары өткізілді.
