Қала аумағында санитарлық-эпидемиологиялық талаптардың сақталуына тұрақты мониторинг жұмыстары жүргізілуде. Өткен тәулікте 534 (526 кәсіпкерлік нысан, 8 жеке нысан) нысанға тексеру жұмыстары ұйымдастырылды. Оның ішінде 15 нысанда карантин режимінің талаптары бұзылғандығы анықталып отыр.
22 сәуір күні коронавирус инфекциясының 131 жағдайы тіркелді (белгілері бар — 82, белгілері жоқ — 49). 27 адам инфекциялық стационарға жатқызылып, 104 адам үй бақылауына алынды.
Қазіргі таңда мамандандырылған инфекциялық стационарларда барлығы 1 290 орын бар (қалалық инфекциялық орталық – 490, «Атамекен» клиникасы – 450, Орынбай ГБОО – 70 орын, №14 емдеу орталығы – 250, қалалық перинаталдық орталық – 30). Инфекциялық стационарда 504 науқас емделуде (КВИ-278, пневмония- 221, ЖРВИ- 5).
Сондай-ақ, 22 сәуірде қалада 839 адам вакцина алды: I компонент – 826, II компонент – 13. Егу науқаны басталғалы барлығы 73 972 адам вакцинацияланды. Оның ішінде 7 160 адамға вакцинаның екі компоненті салынды.
Шаһарда 38 бекетте короноваирус инфекциясына қарсы екпе егу жұмыстары қарқынды жүргізілуде. Қала тұрғындарын өз тұрғылықты мекенжайы бойынша тезірек вакцина салдыруға шақырамыз.
Шымкент қаласы әкімдігінің баспасөз қызметі
