Шымкент қаласының Бас мемлекеттік санитариялық дәрігерінің 2021 жылғы 21 сәуір №10 «Шымкент қаласының Бас мемлекеттік санитариялық дәрігерінің қаулысына өзгерістер мен толықтырулар енгізу туралы» қаулысы шықты.
Осы орайда, Шымкент қаласының Бас мемлекеттік санитариялық дәрігерінің 2021 жылғы 19 сәуірдегі №9 қаулысына өзгерістер мен толықтырулар енгізілді.
«Тек жеткізуге және әкетуге жұмыс істейтін қоғамдық тамақтану объектілері және фудкорт, дүңгіршектердің, оның ішінде піскен тағамдарды, фастфуд, жұмсақ балмұздақ сататын орындар.
Әкетуге уақытын сағат 08:00-ден 24:-00-ге дейін шектеумен, жеткізу қалыпты режимде.
Фудкорттар тек жеткізу және алып кетуге жұмыс істейді. Қоғамдық тамақтану объектілерінде өнімді дайындау және жинау-дезинфекциялау іс-шаралары әдеттегі қалыпты режимде жүргізіледі», — делінген қаулыда.
Қазіргі таңда Шымкент қаласы «қызыл» аймақта. Жаңа қаулыға сәйкес, шектеу шаралары 2021 жылғы 20 сәуірден бастап эпидемиологиялық жағдай тұрақталғанға дейін күшейтілді.
Шымкент қаласының Ақпараттық-коммуникациялық орталығы
