Шымкент қаласының энергетика және коммуналдық шаруашылық саласында 2021 жылы жалпы 85 жобаны (48,6 млрд теңге) жүзеге асыру жоспарланған.
Соның ішінде ауызсумен қамту көрсеткіші — 96 %. Биыл жалпы 25,6 мыңға жуық адамның ауызсуға қолы жетпек.
I – тоқсанда бірқатар нысандарда құрылыс жұмыстары жүргізілді. Атап айтқанда, ішкі ауызсу жүйелері құрылысы бойынша Тұран шағынауданында – 86 пайыз, Асар-2 – 41, Солтүстік саяжай – 35, Ынтымақ 2, Жаңатұрлан – 89 және Жаңаталапта – 87 пайыз жұмыстар аяқталды.
Сондай-ақ, магистралды үш нысан – Көмешбұлақ 4,48 шақырым (60 %), 9,37 шақырым және 10,61 шақырым суаққы құрылысы атқарылуда.
Шымкентте су тасу мәселесі түбегейлі шешіледі.
Ал 2022-2023 жылдары ауызсумен қамту мәселесі толық шешіледі.Шымкентте 2021 жылы ауызсумен қамтамасыз етудің болжамды көрсеткіші 98 пайыз деп белгіленіп отыр. Жалпы қалада 2022-2023 жылдары сапалы ауызсумен қамту көрсеткішін 100 %-ға жеткізу басты назарда.
Биыл құрылысы басталатын Құрсай, Қайнарбұлақ, Сайрам, Нұртас (жаңақұрылыс) шағынауданындағы 4 нысанның құрылысы келесі жылы аяқталады.
Сондай-ақ, құрылысы 2022 жылы басталып, 2023 жылға өтпелі нысандар – «ВС-6», «ВС-1» суаққының құрылысы, «Сайрам-Су» су имараты, «Сайрам-су» су имаратынан Қызылсу, Жыланбұзған елдімекенге дейінгі суаққы құрылысы. 2023 жылы жалпы 4 нысанның құрылысы аяқталады.
Қалада тұрғындарды сапалы ауызсумен қамту мәселелері кезең-кезеңімен шешіліп келеді.
Шымкент қаласы әкімдігінің баспасөз қызметі
