Түркістан қаласында соңғы бір апта ішінде 709 адам ерікті түрде коронавирусқа қарсы екпе ектірді. Одан өзге 400 мемлекеттік қызметкер мен 122 полиция қызметкері вакцина салдырды.
Жалпы, бүгінгі күнге дейін 5190 адамға бірінші компонент вакцина салынды. Ал, екінші компонент алғандар саны 1215-ті құрайды. COVID-19-ға қарсы вакцина егу мақсатында 10 егу бөлмесі және бір жылжымалы бригада жұмыс істеуде.
Облыс орталығына 23-28 сәуір аралығында 7000 вакцина әкелініп, ерікті азаматтарға салуға мүмкіндік туады. Қазіргі таңда Түркістан қаласына бөлінген вакцина толығымын қабылданған.
Жалпы 2021 жылғы 22 сәуірдегі мәлімет бойынша Қазақстанда 796 383 адам вакцина салдырды. Ал Түркістанда еркіті түрде екпе салдырғандар бір аптада 709 адамға жетті
Айта кетейік, Түркістан облысы вирус жұқтырғандар саны бойынша «жасыл аймақта» қалып отыр.
