Тергеуші қызметі – аса сауаттылық пен білімді, шыдамдылықты талап ететін, жауапкершілігі мол іс. Олардың мақсаты – нақты айғақ жинап, қылмыскерді дәл табу. Аталмыш сала ішкі істер органдары жүйесінде ерекше орынға ие. Сол себепті бұл қызметке таңдаулы мамандар ғана шақырылады. Олардың тергеу нәтижесінен білдей полицияның жұмысы бағаланады. Бүгінгі күні Қаратау ауданында 25 тергеуші бар. Әрине, олардың әрбірі ең үздік тергеуші атанғысы келеді. Тергеуші лауазымына жоғары заң білімі бар кез келген адам тағайындала алады, алайда олардың бәрінің бірдей білікті маман болып жұмыс істей алуы өте қиын. Тергеушілер құқықтық тәртіпті нығайту және қылмысқа қарсы күрес ісіне жан және дене күшін, денсаулығы мен білімін жұмсауға мәжбүр. Олар жеке уақытымен санаспай, тек өзіне тән табандылықпен және қағидаттылықпен қылмыстарды тергейді және ашады. Қандай да бір қылмыстық оқиға кезінде сезіктінің қылмысқа қатысты кінәсін дәлелдеу қажет. Тергеушінің ең алғашқы міндеті — іс бойынша айғақтарды жинап, заңды жүйелеп сотқа жіберу. Алтыншы сәуір еліміздің тергеу саласы қызметкерлерінің төл мерекесі. Осыған орай, Шымкент қаласы Қаратау аудандық полиция басқармасындағы тергеушілерге салтанатты түрде сый-құрмет көрсетілді. Асқан шеберлігі мен жетістіктері үшін бірқатар тергеушілер құрмет грамоталары, алғыс хаттарға ие болды.
Шымкент қаласы Полиция департаментінің Баспасөз қызметі
