«Заң үстемдігі орнықпаса және азаматтардың қауіпсіздігіне кепілдік берілмесе, әлеуметтік-экономикалық дамудың бірде-бір міндеті табысты жүзеге асырылмайды. «Халық үніне құлақ асатын мемлекет» – бұл, шын мәнісінде, «Әділетті мемлекет» құру тұжырымдамасы. Азаматтардың мәселелерін тыңдап, көріп қана қою жеткіліксіз. Ең бастысы – дұрыс және әділ шешім шығару қажет.
«Жаңа жағдайдағы Қазақстан: іс-қимыл кезеңі» атты мемлекет басшысының Қазақстан халқына жолдауынан.
Қылмыстық процестегі азаматтардың құқықтары мен олардың сақталуы қылмыстық ізге түсу аясына негізсіз тарту секілді көпқырлы аспект, сондай-ақ қылмыстық құқық бұзушылық туралы арызды, хабарламаны қабылдау барысында қылмыстық ізге түсу органдарымен азаматтардың құқықтарының сақталуы өзекті мәселе болып табылады.
Қылмыстық қол сұғушылықтан зардап шеккен азаматтар құқық қорғау органдарына өз құқықтарының қорғалуы үшін жүгінеді, алайда қылмыстық ізге түсу органдарымен арызды қабылдаумау немесе оны тиісті дәрежеде қарамау фактілері де орын алады.
Қазіргі таңда қадағалау сипатындағы қабылданған шаралармен аталған тәжірибе құрдымға кетті деуге болады, ал ондайға жол берілген жағдайда тиісті қадағалау шаралары қабылданады.
ҚР БП Құқықтық статистика және арнайы есепке алу жөніндегі Комитетінің Әскери басқармасымен (әрі қарай — Басқарма) Қазақстан Республикасы Бас прокурорының 2014 жылғы 19 қыркүйектегі № 89 бұйрығымен бекітілген «Қылмыстық құқық бұзушылықтар туралы арызды, хабарды немесе баянатты қабылдау және тіркеу, сондай-ақ сотқа дейінгі тергеп-тексерулердің бірыңғай тізілімін жүргізу Қағидасы талаптарының әскери қылмыстық ізге түсу органдарымен сақталуына тұрақты түрде қадағалау-бақылау жұмыстары жүргізіледі.
2021 жылдың өткен мерзімінде Басқарма мен әскери прокурорлардың бірлескен жұмысты нәтижесінде есептен жасырынған 5 қылмыстық құқық бұзушылық анықталған және есепке алынған, оның біреуі ҚР ҰҰ әскери полиция қызметкерімен жасалған қылмыстық құқық бұзушылық, сондай-ақ мерзімді қызметтегі әскери қызметшілер арасында бағыныштылық қатынастар болмау фактісі болып табылады.
Егер әскери қылмыстық ізге түсу органдары қылмыстық құқық бұзушылықтар туралы хабарды Сізден қабылдаудан бас тартса, Сіз Әскери басқармаға 32-42-96 сенім телефоны арқылы немесе әскери прокуратуралардың ғимаратында орналасқан Әскери басқарманың аумақтық өкілдеріне жүгіне аласыз.
Б.Какаров
ҚР Бас прокуратурасы
Құқықтық статистика және
арнайы есепке алу жөніндегі
Комитетінің Әскери басқармасының
Шымкент гарнизоны бойынша өкілі
