Кездесу барысында кандидаттар партияның сайлауалды бағдарламасының негізгі бағыттарын таныстырып, алдағы жоспарлар мен өңірдің әлеуметтік-экономикалық дамуына қатысты басымдықтар туралы баяндады. Сонымен қатар, еңбек адамдарының қоғамдағы орны, кәсіпкерлікті қолдау, өндіріс орындарын дамыту, жаңа жұмыс орындарын ашу және тұрғындардың әл-ауқатын арттыру мәселелеріне тоқталды.
«Рахат-Шымкент» ЖШС – Шымкент қаласындағы кондитерлік өнімдер өндіретін отандық кәсіпорындардың бірі. Зауытта вафли, печенье, карамель, зефир, мармелад және басқа да тәтті өнімдер шығарылады. Бүгінде кәсіпорында шамамен 776 адам тұрақты еңбек етеді. Өндірілген өнімдер еліміздің барлық өңірлеріне жеткізіліп, отандық нарықтың дамуына өзіндік үлес қосып келеді.
Кездесу барысында кәсіпорын қызметкерлері өздерін толғандырған мәселелерді ортаға салып, кандидаттарға сұрақтарын қойды. Өз кезегінде үміткерлер ұсыныстар мен пікірлерді тыңдап, көтерілген мәселелердің маңыздылығына назар аударды.
Мұндай кездесулер еңбек ұжымдарымен тікелей байланыс орнатып, тұрғындардың талап-тілектері мен ұсыныстарын зерделеуге, ашық пікір алмасуға мүмкіндік береді.
Шымкент қалалық мәслихаты депутаттарының сайлауына партиялық тізім ұсынған «Әділет» партиясы» ҚБ сайлау қорының қаражаты есебінен төленді.
