Астана алаңына жиналған жұртшылық сүйікті әншілерінің өнеріне қолдау білдіріп, әншілермен бірге ән шырқады. Концерттік бағдарламада патриоттық әндер мен танымал музыкалық туындылар орындалып, мерекенің мазмұнын аша түсті. Сонымен қатар сахнадағы өнер көрсетілімдері қала тұрғындары мен қонақтарына көтеріңкі көңіл-күй сыйлап, мерекелік думанның сәнін келтірді.
Айта кетейік, Республика күніне арналған мерекелік іс-шаралардың басты мақсаты – ел бірлігін нығайту, ұлттық құндылықтарды дәріптеу және өскелең ұрпақтың бойында отансүйгіштік сезімді қалыптастыру. Екі күнге созылған концерттік бағдарлама шымкенттіктерге ерекше әсер қалдырып, ұлттық мерекені жоғары деңгейде атап өтуге мүмкіндік берді. Астана алаңындағы әсем әуен мен көтеріңкі көңіл-күй Республика күнінің мерейін үстем етіп, қала тұрғындарының ортақ қуанышына айналды.
Мерекелік шара барысында қаладағы қоғамдық кеңістіктер ерекше безендіріліп, Астана алаңында мерекелік атмосфера қалыптасты. Түрлі жастағы тұрғындар мен қала қонақтары концерттік бағдарламаға белсене қатысып, отбасымен бірге думанды кештің куәсі болды. Мұндай мәдени-көпшілік іс-шаралар тұрғындардың рухани серпіліс алуына ықпал етіп қана қоймай, қоғамдағы ынтымақ пен бірлікті нығайтуға да өз үлесін қосады.
