Жуырда Түркістан облыстық мәслихатының депутаты Нұргүл Пердебайқызы «Nur Otan» партиясы Мақтаарал аудандық филиалында қоғамдық қабылдау өткізген болатын. Қабылдауға келген тұрғындарға заң аясында кеңес берілсе, бірнеше отбасыға нақты қолдау көрсетілді. Солардың бірі – Бескетік ауылының тұрғыны, 9 баланың анасы М.Жұмахан әлеуметтік көмек беру жөнініде өтініш айтқан-ды. Сонымен бірге отағасының жол апатына түсіп қалғанын, зейнетке шығу жөнінде бюрократиялық кедергілер болып жатқанын жеткізді.
Тағы бір өтініш иесі, үш перзентін жалғыз өзі асырап отырған Ф.Жұмаханқызы да отбасының қиын жағдайынан хабардар еткен еді. Түркістан облыстық мәслихатының депутаты Нұргүл Пердебайқызы жоғарыда көрсетілген мәселелер бойынша тиісті мекемелерге хат жолдап, құжаттық мәселелерді бақылауға алды. Аталған екі ананың шаңырағына барып, өз атынан азық-түлік, бүлдіршіндеріне тәттілер және үйге қажетті керек-жарақтарын жеткізіп берді. Сонымен бірге депутат тағы бір отбасына қаржылай көмек көрсетті. Тұғындар жас депутаттың белсенділігіне ризашықытарын білдірді.
«Nur Otan» партиясы Түркістан облыстық филиалының баспасөз қызметі
