Шымкент қаласы Абай атындағы №90 дарынды балаларға арналған мамандандырылған мектеп-гимназиясының директоры Орынбеков Арман Шымбайұлы барлық ұстаздарды, аналар мен аруларды 8-наурыз Халықаралық әйелдер күні мерекесімен құттықтап, жылы лебізін арнады.
-Көктемнің алғашқы лебімен бірге келетін ерекше мерекенің бірі — 8 наурыз! Бұл — әлемдегі асыл жандардың ең жарқын мерекесі. Бір ғасырдан астам уақыт бойы осы мереке дүние жүзінің 80-нен астам елінде, сол секілді Қазақстанда да ерекше аталып келеді. Бұл күн әйелдерге зор құрметпен қарауды қанға сіңдіріп, оларға айрықша ізет көрсету, лайықты деңгейде құттықтау дәстүрі жағымды әдетке айналды. Шындығында, әйел — отбасының ұйытқысы, ол отбасында ғана емес, жалпы қоғамда да бейбітшілік пен тыныштықтың шырақшысы саналады. «Әйел — бір қолымен бесікті, екінші қолымен әлемді тербетеді» деген де соны білдірсе керек. Осындайда Тұңғыш Президент, Елбасы Н.Ә.Назарбаевтың: «Әйел шексіз құдірет иесі. Тарих тағылымында ең айтулы өзгерістердің барлығы әйелдердің қолымен немесе әйелдер үшін жасалады», — деген сөзі еске оралады. Түйіндей айтқанда, әйел қоғамның тірегі, мемлекет дамуының тұғыры. Тәуелсіздік жылдарында тыныштық пен тұрақтылықты сақтауда әйелдер қауымының үлесі зор болған болса, ендігі күні де елдік саясаттың осы бағытында мемлекет те нәзік жандылардан ұдайы қолдауға сүйенеді.
Аяулы да ардақты әйелдер қауымы!
Қадірлі аналар, әпкелер, қыздар, арулар!!!
Сіздер бір отбасын емес, бүкіл әлемді аялы алақандарыңызбен тербете алатын, адамзат баласының ары, рухы, жігерісіздер. Тәуелсіз Қазақстанымыздағы бейбіт тірлік пен бірліктің, жарқын болашаққа деген сенімнің, ізгілік пен мейірімділіктің ұйытқысы да, Өздеріңіз!
Сіздерді 8 наурыз – халықаралық әйелдер мерекесімен шын жүректен құттықтай отырып, дендеріңізге саулық, шаңырақтарыңызға шаттық, еңбектеріңізге толассыз шығармашылық табыс, ырыс-құт тілеймін. Әр таңдарыңыз арайлап атып, күндеріңіз нұрға толсын! – делінген құттықтау хатта.
