Бұл — америкалық кәсіпкер Илон Маск ұйымдастырған Not-A-Boring Competition байқауына қатысушы қазақстандық өнертапқыш Санжар Тайжан.
Санжар өз командасымен бірге жанармаймен жүретін кәдімгі автомобильдерді батареямен қозғалатын электр көліктері етіп, ауыстырады. Қазірде машинаның прототипі дайын.
«Қазір электр көлігі жақсы ауа-райында 100 шақырымнан астам қашықтыққа жүре алады. Біз ол қашықтықты 500-600 шақырымға дейін арттыра аламыз. Көлік кәдімгі 220 вольттық резеткіден қуат алады. Біздің басты мақсатымыз — электромобильдердің алғашқы қазақстандық брендін жасау. Жақын арада дизайны мүлдем жаңа 30 үлгісін әзірлеп, осы модельге 200 — ден астам патент алуды жоспарлап отырмыз», — деді қазақстандық өнертапқыш.
