«Қару» жедел-профилактикалық іс-шарасы 10 шілдеге дейін жалғасатын болады. Шымкент қаласы Полиция департаментінің нұсқауына сәйкес, қала көлемінде атыс қаруымен, оның ішінде тіркелмеген атыс қаруымен жасалатын қылмыстардың алдын алу мақсатында, заңсыз айналымдағы қаруларды анықтап, тәркілеу бағытында 2025 жылдың 1 шілдесінен бастап «Қару» жедел-профилактикалық іс-шарасы басталды. Атап өтер жайт, іс-шараның негізгі мақсаты – қала көлемінде заңсыз сақтаудағы қару мен оқ-дәрілерді тәркілеу, олардың сатып алу көздерін және заңсыз жеткізу арналарын анықтау. Сонымен қатар, заңсыз қару сақтап, алып жүретін тұлғалар мен ұйымдасқан қылмыстық топтарды анықтау, отты атыс қаруымен жасалатын қылмыстардың алдын алу, ескерту және оларды ашу арқылы жедел жағдайды тұрақтандыру болып табылады. Сондай-ақ, учаскелік полиция инспекторлары қала аумағында тіркелген қару иелерін мекенжайы бойынша тексеру жұмыстарын жүргізеді. «Қару» жедел-профилактикалық іс-шарасы 10 шілдеге дейін жалғасатын болады. Сонымен қатар, қала тұрғындарының назарына: заңсыз қару-жарақ, оқ-дәрілер мен жарылғыш заттарды өз еркімен тапсырған азаматтар қылмыстық немесе әкімшілік жауапкершілікке тартылмайтынын хабарлаймыз.
Осыған байланысты елімізде ауыр қылмыстардың жиеленіп кетуіне байланысты атыс қаруын қолдануына және оқушылар арасында заңсыз сақталған атыс травматикалық қарумен оқ-дәрілерді, сондай-ақ, азаматтардың өмірі мен денсаулығына қауіп төндіретінін ескере отырып, азаматтарды өз еркімен заңсыз сақталған, тауып алған қару-жарақтар мен оқ-дәрілерді полиция бөлімдеріне тапсыруға шақырады.
Заңсыз сақталған қаруды, оқ-дәрілерді және жарылғыш заттарды өз еркімен тапсырған адамдар, егер олардың іс-әрекетінде өзге қылмыстар құрамы болмаса, қылмыстық және әкімшілік жауапкершіліктен босатылады.
