Қоршаған ортаны қорғау – әрбіріміздің ортақ міндетіміз. Осы орайда «13 шілде — Балықшылар күні» қарсаңында «AMANAT» партиясының Шымкент қалалық филиалы кезекті «Таза бейсенбі» экологиялық акциясын ұйымдастырды.
Іс-шараға партияның қалалық және аудандық бөлімшелері, «Жастар рухы» ұйымының еріктілері мен коммуналдық қызмет өкілдері атсалысты. 50-ден астам адам бірлесе әрекет етіп, қала тазалығына өз үлестерін қосты.
Бұл жолы сенбілік Қошқар ата өзенінің бойында өтті. Қатысушылар:
өзен бойындағы және су түбіндегі қоқысты жинап,
арам шөптерді шауып,
ағаштарды санитарлық тұрғыда бұтап, қала тұрғындарына жайлы әрі таза демалыс орнын қалыптастыруға атсалысты.
Жыл басынан бері «Таза бейсенбі» 26 рет өткізілген.
✅ 2 500-ге жуық адам қатысты
✅ 24 тоннаға жуық қоқыс шығарылды
✅ 200-ден астам ағаш көшеті отырғызылды
Бұл акция – Президент Қасым-Жомарт Тоқаевтың бастамасымен жүзеге асырылып жатқан «Таза Қазақстан» ұлттық жобасының бір бөлігі. Мақсат – табиғатқа деген жанашырлықты арттырып, экологиялық мәдениетті қалыптастыру.
Табиғатты аялау – болашақ ұрпақ алдындағы жауапкершілік.
«AMANAT» партиясы осындай жобалар арқылы барша жұртты туған өлкенің тазалығы мен көркеюіне үлес қосуға шақырады.
#AMANAT
