Шымкент қаласында қоршаған ортаны қорғау мен тазалық мәдениетін қалыптастыруға бағытталған «Таза бейсенбі» экологиялық акциясы өз жалғасын тапты. Іс-шараны «AMANAT» партиясы Шымкент қалалық филиалы ұйымдастырды.
Табиғатты аялау мен қаланы таза ұстау мақсатында өткен акцияға партияның қалалық және аудандық филиалдарының қызметкерлері, «Жастар рухы» жастар қанатының мүшелері және коммуналдық қызмет өкілдері белсене қатысты. Жалпы саны 70-ке жуық қатысушы Қаратау ауданы аумағындағы көпқабатты тұрғын үйлердің аулаларын қоқыстан тазартып, шөптерді шабу, қауіпті бұтақтарды кесу секілді жұмыстар атқарды. Бұл жұмыстар тұрғындар үшін жайлы әрі қауіпсіз орта қалыптастыруға бағытталған.
Айта кетейік, жыл басынан бері Шымкент қаласында өткізілген осындай экологиялық сенбіліктерге 2000-нан астам азамат атсалысқан. Нәтижесінде 17 тоннадан астам тұрмыстық және құрылыс қалдықтары арнайы полигондарға шығарылды.
Бұл бастама Мемлекет басшысы Қасым-Жомарт Тоқаевтың тапсырмасымен жүзеге асып жатқан «Таза Қазақстан» ұлттық жобасы аясында қолға алынған. Жобаның басты мақсаты — тек қана қоршаған ортаны тазарту емес, сонымен қатар қоғамда табиғатқа жанашырлықпен қарау мәдениетін қалыптастыру.
Осындай игі істер арқылы экологиялық тәрбие мен ортаға деген жауапкершілік жастар арасында да кеңінен насихатталуда.
#AMANAT
