Қаратау ауданының 100 оқушысы «Наурыз» мерекесі қарсаңында ұлттық өнерімізді ұлықтау мақсатында күй шеруді өткізді. Бұл шара жас ұрпақтың мәдениетке деген сүйіспеншілігін арттыруға бағытталған ерекше оқиға болды.
Мерекелік күй шеруге қатысқан жастар өз өнерлерін барынша жоғары деңгейде көрсетіп, халықтың рухани мұрасын сақтап, болашаққа жеткізу үшін барын салды. Әсіресе, бұл өнерпаздардың барлығы 7-сынып оқушылары екенін атап өткен жөн. Олардың көпшілігі домбыра үйірмелерінің белсенді қатысушылары әрі домбыра пәнінен үздік көрсеткіштерге ие болып келеді.
Бұл шара жас ұрпақтың ұлттық өнерге деген құрметін арттырып, ұлттық құндылықтарды жастар арасында насихаттаудың маңызды бір жолы болып табылады.
