Австралиялық ғалымдар қолданылған медициналық бетпердені пайдаға асырудың тың тәсілін ойлап тапты. Зерттеу жұмысы барысында медициналық масканың жол салуға жарамды екенін анықтады.
Ғалымдардың есептеуінше, екі жолақты жолдың бір шақырымын салу үшін 3 миллионға жуық бетперде қажет. Бұл өз кезегінде полигонға шамамен 93 тонна қоқыс тастамауға мүмкіндік береді. Осылайша, жолдарға арналған құрылыс материалдарының жетіспеушілігі және экологиялық таза қалдықтарды шығару мәселесі шешімін табады.
Зерттеушілердің ұсынысы бойынша ұсақталған медициналық маскаларды қайта өңделген құрылыс қалдықтарымен араластыру керек. Нәтижесінде қауіпсіздік стандарттарға толығымен сай келетін
материалды құрылыс саласында қолдануға болады, -деп жазады BuisnessLine ақпараттық басылымы.
Ұнтақталған маскалардың материалын құрылыста қолдану жолдың сапасында арттырады екен.
Айта кетейік, бұл бір жарамсыз медициналық маскалардың тиімді қолданылуын зерттеуге арналған алғашқы зерттеу жұмысы. Осыған дейін дүние жүзінде мұндай ғылыми жұмыс жүргізілмеген.
Ал экологтар қолданылған медициналық маскалардың қоршаған ортаға орны толмас зиян келтіретінін бірнеше рет ескерткен. Мамандар қолданылған бетперде табиғатты ластап ғана қоймай, жануарларға да қауіп төндіретінін айтқан. Мәселен мұндай маскаға іліккен құс жыртқыштың жеміне айналуы мүмкін, егер бетперде тығыз матадан жасалған болса, онда ол жануарды тұншықтырады,-дейді табиғат жанашырлары.
