ГАЗДАЛҒАН СУСЫНДАРДАН БАС ТАРТЫҢЫЗ!

Газдалған сусынның кез-келген түрін қолданар алдында өнімнің Кеден одағының техникалық регламенттерінің талаптарына сәйкес жасалғанына көз жеткізіңіз. Себебі, осы құжаттардың көмегімен өнімді дайындау (өндіру), оны сақтау, тасымалдау және тұтынушыларға өнімді өткізу процестері бақыланады. Тауар мен өндірушінің атауымен, өндірілген күнімен, партия нөмірімен, жарамдылық мерзімімен, сақтау шарттарымен, мемлекеттік тіркеу нөмірі туралы мәліметтермен танысқаннан кейін ғана өнімді пайдалану керек. Сондай-ақ, ЕАС белгісіне ерекше мән беруді сұраймыз. Бұл белгі тауардың Кеден одағы мен Еуразиялық экономикалық одақтың техникалық регламенттерінде белгіленген сәйкестікті бағалаудың барлық рәсімдерінен өткенін растайды.
Газдалған сусындардың құрамы туралы барлығына белгілі.
Жапсырмаларында құрамындағы бояғыштар, химиялық қоспалар, тұрақтандырғыштар, қышқылдар, консерванттар, көмірқышқыл газы және су көрсетіледі. Көбінесе адамдар осы дәмді, қантты сусындарды шамадан тыс тұтынудың қандай түзетілмейтін салдары болуы мүмкін екенін толық түсіне бермейді. Қанттың қауіптілігі оның мөлшерінде, себебі бір стакан сусынның құрамында 5 ас қасық, кейде одан да көп мөлшерде қант болады.
Тәтті газдалған сусындарды үнемі және шамадан тыс тұтыну семіздікке және қант диабетінің дамуына әкелетіні дәлелденген. Тұрақты тұтынған жағдайда газдалған сусындар тіс эмальына зақым келтіреді, сондай-ақ, гастрит, уролития және бүйрек коликасын тудырады.
Искаков Аскар Бекболатұлы
ҚР ДСМ СЭБК Түркістан облысының санитариялық-эпидемиологиялық бақылау департаменті басшысы орынбасары