22 қазаннан бастап Шымкенттегі кезекші мамандандырылған ХҚКО-ның жұмыс уақыты ұзарады

Шымкентте кезекші мамандандырылған ХҚКО-ның жұмыс кестесі өзгерді. 22 қазаннан бастап жұмыс уақыты сағат 20:00 -ге дейін ұзарады.Енді қаладағы тек кезекші мамандандырылған халыққа қызмет көрсету орталығы дүйсенбіден жұмаға дейін 09.00-ден 20.00-ге дейін, ал сенбі күндері 09.00-ден 13.00-ге дейін қызмет көрсетеді. Бұл ретте кезекші болып есептелмейтін мамандандырылған халыққа қызмет көрсету орталықтары әдеттегі жұмыс кестесімен, яғни 09.00-ден 18.00-ге дейін қызмет көрсететін болады.
Аталған өзгерістер азаматтарға мемлекеттік қызмет көрсетуді қолжетімді етуге бағытталған. Айта кетейік, мамандандырылған халыққа қызмет көрсету орталығы көлік құралдарын тіркеу және есепке алу қызметін 18.00-ге дейін көрсетсе, дайын құжаттарды беру бойынша жұмыс 20.00-ге дейін жүзеге асырылады.
Кезекші ХҚКО дүйсенбіден жұмаға дейін сағат 9:00-ден 20:00-ге дейін, сенбі күні 9:00-ден 13:00-ге дейін қызмет көрсетеді. ХҚКО-лар азаматтарды жұмыс күндері сағат 9:00-ден 18:00-ге дейін қабылдайды.
Еске сала кетейік, кезекші мамандандырылған ХҚКО Достық м.а,2343/1 мекенжайы бойынша орналасқан.