Түбіртек бермегендер туралы хабарлаған қазақстандықтар 1000 теңге көлемінде сыйақы алады.
Бұл жобаны жүзеге асыруға 2021 жылдың өзіне бюджеттен 63 мың доллардан астам қаржы бөлінуі тиіс.
Бұл туралы 13kz ақпарат агенттігі Sputnik.kz ке сілтеме жасап хабарлайды. Түбіртек берілмегені туралы ақпаратты жолдаған азаматтарға 1000 теңге көлемінде сыйақы төленбек. Қаржы министрлігіндегілер жобаның ережесінде ресми сайтқа жариялап қойған. Құжатқа сәйкес, заңбұзушылық фактісі расталған жағдайда ақпарат таратқан адамға 1 000 теңге төленеді.
Хабарлама мемлекеттік кірістер жөніндегі аумақтық органдарға жіберілуі тиіс. Ол үшін ұялы телефондағы қосымшаны пайдаланып немесе жазбаша арыздануға да болады. Хабарлама жіберу үшін міндетті түрде төмендегі ақпарат болуы шарт:
* болған жайтты растайтын видео дәлел;
* жеке кәсіпкерлік субъектісін анықтауға болатын ақпарат (нысанның мекен-жайы, атауы, сауда орнында орналасқан жері (қабат, бутик нөмірі), базардағы орны);
* өтініш берушінің аты-жөні, жеке сәйкестендіру нөмірі.
Көрсетілген талапқа сай келмейтін хабарламалар мүлде қарастырылмайды, -дейді жауаптылар.
Ал түбіртек бермеген жағдай расталса, кәсіпкерді әкімшілік құқықбұзушылық туралы кодекстің 284-бабына сәйкес («бақылау-кассалық машинаны қолдану тәртібін бұзу») жауапқа тарту көзделген. Бұл бап бойынша ескерту жасалады. Ал жағдай қайталанса, бизнес өкілі айыппұл арқалайды
