2020 жылы жазда Алматы облысында әйелі мен балаларын ұрған бұрын сотты болған ер азаматқа қатысты тың мәліметтер пайда болды. «Немолчи» қоғамдық қорының жетекшісі Дина Смайлова агрессордың педофил болып шыққанын жеткізді. Алматы облысының полициясы істің сотқа өткенін мәлімдеді, — деп хабарлайды 13kz ақпарат агенттігі Neonomad -қа сілтеме жасап.
«Не молчи» қоғамдық қорының жетекшісі Дина Смайылованың сөзінше сараптамаға сәйкес өгей әкенің екі ұлға да қатысты зорлық-зомбылық фактісін расталған.
«Агрессор, басқалар сияқты, педофил болып шықты. Ер адам бұрын сотталған, енді әйелі мен оның анасына қоқан-лоққы көрсетуде. Отбасы бұл жағдайды ауыр өткеріп жатыр. Біз оған өмір бойына бас бостандығынан айыру жазасы беріледі деп үміттенеміз,”,-дейді Дина Смайлова.
Ал Алматы облысының полициясы істің сотқа жіберілгенін хабарлады.
Қылмыстық іс 107-баптың 1-бөлігі бойынша “Денсаулыққа қасақана орташа ауырлықтағы зиян келтіру” , 110-баптың 2-бөлігі “Азаптау” және 121-баптың 4-бөлігі “Кәмелетке толмағанға қатысты жыныстық сипаттағы зорлық-зомбылық әрекеттері” бойынша ашылды. Күдікті 45 жастағы ер адам. 2020 жылдың соңында Іле аудандық полиция бөлімінің тергеушісі бұл істі сотқа жолдады.Тергеу барысында бірқатар сараптамалар тағайындалды. Күдікті Алматыдағы тергеу изоляторы алдын ала қамауға алынды”,- деп хабарлады Алматы облысы полиция департаментінің баспасөз қызметі.
Еске салайық, Алматы облысында әйелі мен балалардын ұрып-соққаны туралы ақпарат 2020 жылдың тамыз айының басында белгілі болған.
Содан кейін «Не молчи» қорында әжесінің немерелері зорланған болуы мүмкін деген күдігі туралы да айтылып еді.
