Түркістан облысының санитариялық -эпидемиологиялық бақылау департаментінің басшысы Нышанов Нұрбек Садықбекұлы *Халық сөзі* бағдарламасында Түркістан облысындағы білім беру және тәрбиелеу нысандарындағы асханаларда тағам қауіпсіздігі мен тағамнан уланудың алдын алу шаралары туралы сұхбат берді.
Білім беру нысандарындағы асханаларда балаларға берілетін тамақтардың дайындалу технологиясы, сапасы мен қауіпсіздігі нормативті-құқықтық актілерге сәйкес болуы қажет. Тамақтың сапасы, қауіпсіздігі, дайындалуы, жиһаздармен жабдықталуы, қызметкерлердің медициналық бақылаудан уақытылы өтуі, санитариялық-гигиеналық, техникалық жағдайын орындау — білім беру мен тәрбиелеу мекемелерінің директорлары және асханаларды жалға алып қызмет көрсететін кәсіпкерлерлердің міндеті туралы айтылды.
Бағдарлама барысында тікелей эфирде тұрғындар мен ата-аналардан келген сұрақтарға жауаптар берілді. Білім беру және тәрбиелеу мекемелерінде тексеру жүргізу тәртібі түсіндірілді, яғни қандайда бір нысандарда кемшілік анықталған жағдайда полиция шақыртылып, полиция толтырған баянатқа сәйкес тиісті әкімшілік шаралар заң аясында қолданылатындығы немесе сол нысанды тексеру үшін нақты дәлелді құжаттарды тіркеп (видео, фото), Е-Өтініш порталы арқылы арыз жазылып, жолдануы туралы керектігі, сонымен қатар, арыз бойынша тексеру құжаттары құқықтық статистика және арнайы есепке алу жөніндегі департаментіне жолданып, тексеру тағайындау актісін тіркеген сон ғана жоспардан тыс тексеру жүргізіліп, анықталған кемшіліктер бойынша заң аясында тиісті шаралардың қолданылатындығы туралы түсіндірілді.
Нышанов Нұрбек Садықбекұлы
ҚР ДСМ СЭБК Түркістан облысының санитариялық-эпидемиологиялық бақылау департаменті басшысы
