Түркістан облысы, Созақ ауданында сайлауалды үгіт-насихат жұмыстары белсенді түрде жүргізілуде. Осы бағытта ауданда түрлі іс-шаралар мен кездесулер көптеп ұйымдастырылуда. ‘Nur Otan’ партиясынан аудандақ мәслихат депутаттығына үміткер Берік Тұрғынбаев Шолаққорған ауылының тұрғыны, жеке кәсіпкер Сәбит Орынтаевтың үйінде болып, ‘Nur Otan’ партиясының 2025 жылға дейінгі арналған сайлауалды бағдарламасын таныстырды.
Жеке кәсіпкер Сәбит Орынтаев өз ауласында ірі қара малдарды бордақылау жұмысымен айналысып, қомақты табыс тауып отырған азамат. Бордақылау жұмысына отбасы мүшелерін жұмысқа тартып, кәсіпкерлікпен айналысуда. Мал бордақылау алаңы өте ыңғайлы әрі жинақы жасалған. Қораның тазалығы мен ұқыптылығы тұтынушыларды тартуға оң әсер етуде.
Кездесу барысында Сәбит Орынтаев үміткерден агроөнеркәсіп саласын қолдау, соның ішінде суармалы және жайылымды жерлердің көлемін ұлғайту мәселесін сұрады. Берік Тұрғынбаев бұл мәселелер бас партияның тікелей назарында екендігін айтып, партия бағдарламасында қамтылғанын жеткізді.
-Ауыл шаруашылық және кәсіпкерлік саланы дамыту мақсатында ауыл тұрғындарының суармалы және жайылымдық жерлерді игеруіне, алынған табиғи өнімдерді тұтынушыларға өткізуіне жағдай жасалады. Шаруа қожалықтарының жұмысын жандандыру үшін аудандағы су қоймаларының жұмысын реттеуге, егістік, шабындық, жайылымдық жерлердің өз мақсатында пайдалану тиімділігін арттыруға ықпал етіледі. Нәтижесінде 2025 жылы ауданда мүйізді ірі қара мал саны 117%-ға артып, түйе басы 13 мың басқа жетеді, түйе сүтін өндіру көлемі арта түседі, — деді Берік Тұрғынбаев. Сонымен қатар үміткер мемлекеттен ауыл шаруашылығы саласын несиелеу мен субсидияландыру арналған қолдаулар жайында түсіндіріп берді.
‘Nur Otan’ партиясының сайлауалды бағдарламасымен толық танысып шыққан Шолаққорған ауылының тұрғыны 10-қаңтарда өтетін сайлауға қатысып, бас партияға дауыс беретіндігін жеткізді. Созақ ауданында сайлауалды үгіт-насихат жұмыстары жалғасуда.
«Nur Otan» партиясының Түркістан облысы Созақ ауданының Сайлау қорының қаражатынан төленді
